منتديـــــات احــلام العــــــــراق
مرحبا بك
في منتدديات احلام العراق

منتديـــــات احــلام العــــــــراق



 
الرئيسيةالتسجيلدخول
مرحبا بك يا زائر في منتدديات احلام العراق نرجو ان تكون في تمام الصحة و العافية

شاطر | 
 

 ابو ذيات يبوس موتبيعي تعال وشوف تحيات اخوكم مصطفى اللامي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
mostafa_star1989

avatar

ذكر عدد المساهمات : 43
نقاط : 6435
تاريخ الميلاد : 02/04/1989
تاريخ التسجيل : 17/02/2009
العمر : 28

مُساهمةموضوع: ابو ذيات يبوس موتبيعي تعال وشوف تحيات اخوكم مصطفى اللامي   الثلاثاء فبراير 17, 2009 8:02 pm

--------------------------------------------------------------------------------

تسلم عاشت ايديك كثيييييييييير جلوة
هايشوية ابوذيات مني الكم

عشرتك روحــي صَـــــــــدگ .. ماتملها
وگلبي ايــــــــــام سعـــــــدك .. ماتملها
اريد انصــــب لروحــــــــــي .. مأتم الها
واشوفك هم تجي وتبچي عليه ؟

لو مرة تمــــــــــر مثـــــــل .. الشماتــه
وأنا لنحرك يالاسمــــر وك .. شماتــــه
ولك مغـــرور گالولــــــــــي .. بشماتـه
صحيح ابشامتك تنغر عليه ؟

لو تذكـــر رباي ويــــــــــاك .. والعـــن
ولاتنغر علــى اللي بيــــــك .. والعـــن
فرضنا لو اسبـــــــــك حيل .. والعــــن
هم ابغيض وك تزعل عليه ؟

لو تعرفني احبــــــــــــــــك .. واشتمنك
ولأن منطـــي للواشــــــــي .. وشتمنك
اريد اليـــوم احضنـــــــــك .. واشتمنك
واشوفك هم تذب روحك عليه ؟

لو رأساً تگلـــــــي ارجـوك .. هدنـــه
وتعاركنـــي وتريــد انــوب .. هدنـــه
ولك والله العشــــگ وياك .. هدنــــه

مريض آنه تعال اسأل عليه ؟
وشوف اشلون حالـــــي .. منتسلنـي
ولكن سيف صًّــــــــــدگ .. منتسلني
الدمع يغلب جوابـــــــــي .. منتسلني
اضحك بالچذب غصبن عليه ؟

لأن ماريــد اشوفك يـــوم .. حزنــــي
وتدري ابسيف هجرك ولك .. حزني
گلبك انت وحدك الـــــــــــي .. حزني
و( حيازة وحمل ) سلمتك بديه

غارك بحر الالم وتناوشت سااح الة
انا بميدان حرب الالم صرت بوسط ساحة الة
انا صار المطابر علي وكل جرح دم ساح الة

انت زين محد وصل بابك بضيج وعدى
يانورس اجوني الربع كلهم شماتة وعدى
يركض اركاض الفكر خلااك زين وعدى
والك انا سحل على الجمر كلبي ساح الة

مثل ماحن عليك حن وجاني
بعد غيبة الولف مر وجاني
تشب نيران بكلبي وجاني

يشمت من تشب نيران بية زمان الجان يزهي كبل مادام
وبجيت عله الخدود الروح مادام
عكبهم كلت اسم الروح مادام
مشوا عني بعد جا شلي بيه؟

مشوا عني شلي بروحي بعدهم
وكت كل غايته عني بعدهم
عيد المايحط جفه بعدهم
حرام انجان يهنه العيد اليه

حرام انجان يهنه العيد ويطيب
ولاجرح البعد يلتام ويطيب
الي بركان حدر الضلع ويطيب
يطك من تمر ذكراهم عليه

يطك من تمر ذكراهم وليراي
الي جانوا نهر عشره وليراي
لهم راي اليفاركنه وليراي
اسير ويّ الضعن ماصح بديه

اسير ويّ الضعن كصدي ولاصاح
بشر لاعدل ظل عدها ولاصاح
حده حدايهم سكته ولاصاح
حده وكطذع بكايه الروح بيه

حده وكطّع غفل روحي منحداه
وعميت وماعرف حدي منحداه
سوه ماكو فرق وحده منحداه
النوايب ذيج بيك وهاي بيه

النوايب دارن وصكن بعدكام
وكضن عشرين من عمري بعد كام؟
كضت كومه من جروحي بعد كام
يمين اجان اداويهن بديه

يمين انجان اداويهن ولاروف
وبعد لا أرحم بحالي ولاروف
تهت لاماي ظل عندي ولاروف
فقط دمع الوجد نهران بيه

فقط دمع الوجد نهران ليلاي
على اللاظم الليلو فوك ليلاي
جذب ماظن تصير بيوم ليلاي
إذا حته آنه صاير موش أليه
إذا حته آنه صاير موش أليه

تعال وشوف شعر خلي منسل
ودمع عيني فلا بطل من السيل
شكو شصعب مرض من السل
سره بعضامي من فراكك اليه

عجب ناس برحيل وناس يبنـــون
وعلى صدور الشباب بحجر يبنون
جذب من كال ينفع مال وبنــــون
والدنيه ضعون ومسجبه

عذول من البواجي جــار مني
وعليك الدمع سال وجره مني
تمنيت تكون تصبح جار مني
وضل مكابلك صبح ومسيه

بيك موت روحي من عدمه
وهو ربك الخالق من عدمــه
يكول المثل من يد منعدمـــه
عجب بالحب بخيل صير اليه

صدور حيود للچيلات .. مرگص
من عضاك خنجر غدر .. مُر گَص
اذا محتاج گلبي هاك .. مر گِص
عراگ انت بوريدي للمنية

ظنيت الجليد من الولعتاب
من غيّر عناوينه والعتاب
اذا چان الحچي لازم والعتاب
عتابي عليك ماتكفي بريه

هالروح القهر ذبهه ولمهه
تعسّف بالحچي وياهة ولمهه
جفاكم طشر دموعي ولمهه
الفرح يبرالكم والضيم الية


اشبكه مني ابغياب الراح وشضال
ونين ولايحمله الكلب وشضال
العكب والجاي مر بدار وشضال
نواعي وتنسمع صفكات اديه

انه ابهجر الاودهم حيل سليت
وبياب العين عكب الرارح سليت
اشكثر ناس ابمصيبه وضيم سليت

عجب محد كطع منهم يسلني
عله مصاب الجفو مني يسلني
اذا دهري وعلي حتم يسلني
اتاني اصحاب تفزع عود اليه
الرجوع الى أعلى الصفحة اذهب الى الأسفل
ADMIN

avatar

ذكر عدد المساهمات : 23
نقاط : 6420
تاريخ الميلاد : 01/01/1984
تاريخ التسجيل : 07/02/2009
العمر : 33

مُساهمةموضوع: رد: ابو ذيات يبوس موتبيعي تعال وشوف تحيات اخوكم مصطفى اللامي   الأربعاء فبراير 18, 2009 11:05 am

Basketball

مشكوووووور ناايس كلام
الرجوع الى أعلى الصفحة اذهب الى الأسفل
ALMOHANDIIS



عدد المساهمات : 5
نقاط : 6408
تاريخ التسجيل : 13/02/2009

مُساهمةموضوع: رد: ابو ذيات يبوس موتبيعي تعال وشوف تحيات اخوكم مصطفى اللامي   الإثنين فبراير 23, 2009 7:53 am


يسلمو وعاشت الايادي ...
الرجوع الى أعلى الصفحة اذهب الى الأسفل
 
ابو ذيات يبوس موتبيعي تعال وشوف تحيات اخوكم مصطفى اللامي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديـــــات احــلام العــــــــراق :: منتديات أدبية :: أحلامنا للبوذيات والادراميات-
انتقل الى: